Ս․ թ․ դեկտեմբերի 12-ին՝ ժամը՝ 15։00-ին, Գրականության և արվեստի թանգարանի Կոմիտասի անվան դահլիճում տեղի կունենա «Մոռացված անուններ» կինոալմանախի ցուցադրություն՝ «Կին» 17-րդ միջազգային կինոփառատոնի շրջանակում։ «Մոռացված անուններ» կինոալմանախը ստեղծվել է «Գյոթե կենտրոն Երևան»-ի կազմակերպած «Հայ կինը և 20-րդ դարը՝ մոռացված անուններ» սցենարի զարգացման դասընթացի արդյունքում։ Ֆիլմը ստեղծվել է չորս հեղինակների կողմից և պատմում է քանդակագործ Այծեմնիկ Ուրարտուի, նկարչուհի Վերա Վարդ Պատրիկյանի, պարուհի Արմեն Օհանյանի և ճարտարապետ Ցողիկ Արաբյանի մասին։ Տևողությունը՝ 52 րոպե։
Մանրամասն տեղեկությունների համար կարող եք զանգահարել հետևյալ հեռախոսահամարով՝ 055 80 81 15։
Սիրով սպասում ենք բոլորիդ Արամի 1 հասցեում։
Մուտքն ազատ է։
