Վանաձորի թատրոնը կմասնակցի «Ֆրեսկո» միջազգային փառատոնին

«Ֆրեսկո» արդի արվեստի և հոգևոր ֆիլմերի 8–րդ միջազգային փառատոնը այս տարի կիրականացվի օգոստոսի 14-ից 29–ը՝ պահպանելով հակահամաճարակային բոլոր կանոնները: «Ֆրեսկո» փառատոնի 2021 թվականի ծրագիրը կազմելիս հաշվի են առել երկրում տիրող հետպատերազմյան իրավիճակը, ամբողջ ծրագիրը մշակվել է ներառական արժեքների, հանրությանը մոտիվացնող, ոգևորող, զինվորներին մեծարող միջոցառումներով՝ սոցիալական համերգներ, ֆիլմերի դիտում-քննարկումներ, մարզային ծրագրեր, մոտիվացիոն հանդիպումներ:

Այս տարի փառատոնը ստացել է 4000 –ից ավելի հայտեր 120 երկրից, մրցութային ծրագիր է անցել 83 ֆիլմ 43 երկրից: Նախատեսվում է հյուրընկալել միջազգային անվանի կինոգործիչներ, արվետագտներ, ովքեր մեծ ներդրում ունեն հասարակական և մշակութային կյանքում:
«#FrescoLive.» խորագրով լայնամասշտաբ բացօթյա համերգների շարքն այս տարվա կարևոր փոփխություննրեից են: Փառատոնի շրջանակներում կստեղծվի մշակութային հարթակ, որտեղ ելույթ կունենան հայաստանյան և արտասահմանյան թե հայտնի, թե չբացահայտված ստեղծագործ անհատները և խմբերը, որոնք «առանց տոմսի» օրեր շարունակ կդառնան հանդիսատեսի առօրյայի անբաժան մասը: «Ֆրեսկոն» համախմբում է տարբեր սերնդի և ճաշակի պատկանող հանդիսատեսի. դասականից մինչև ժողովրդական: Հանդիսատեսը հնարավորություն կունենա վայելելու Ռուսաստանից ժամանող Ալեքսեյ Արխիպովսկու բացօթյա համերգը , ով հանդիսանում է «Բալալայկայի Պագանինի», «Երեք լարերի հանճարը» աշխարհում ռուսական երաժշտության սուրհանդակներից մեկը, վիրտուոզ՝ մեկընդմիշտ փոխած ժողովրդական գործիքի հնարավորությունների մասին Փառատոնի ծրագրում կհյուընկալվի Նատալյա Կրելը՝ «Ռուսաստանի ազգային պարադելֆիկ կոմիտե» հասարակական միությունների համառուսական միության գործադիր տնօրեն, անվասայլակների պարի սպորտի ֆեդերացիայի փոխնախագահը, ով կիրականացնի «Մշակութային ինտեգրում» խորագրով դասընթաց սոցիալ – մշակութային գործիչների համար: Փառատոնին նաև կհուրընկալվեն մի շարք արտասահմանյան հյուրեր, ովքեր տեղացի մշակութային գործիչների հետ միասին «անհաս հերոսներ» լինելու փոխարեն, կլինեն հանդիսատեսի հետ` ժամանակավորապես դառնալով նրանց` կինոաշխարհի ճանաչման ուղեկից-ընկերը:
Վանաձորի Հովհ. Աբելյանի անվան պետական դրամատիկական թատրոնի «Անուշ» ներկայացումը ևս ընդգրկված է փառատոնի ծրագրում: Բեմադրության ցուցադրությունը նախատեսված է օգոստոսի 27-ին Սուրբ Աննա եկեղեցու բակում:

Հովհաննես Թումանյանի «Անուշը» բեմադրվել է 2019 թվականին գրողի 150-ամյա հոբելյանի առթիվ: Ռեժիսորը թատրոնի գեղարվեստական ղեկավար, ՀՀ ժողովրդական արտիստ Վահե Շահվերդյանն է: Ներկայացումը, որը կյանքի է կոչվել ՀՀ ԿԳՄՍ նախարարության աջակցությամբ, 2021 թվականին «Արտավազդ» թատերական մրցանակաբաշխությանը մրցանակի է արժանացել «Լավագույն ռեժիսուրա» անվանակարգում: Ինչպես նշում է լրատվության և հասարակայնության հետ կապերի պատասխանատու Գոռ Փելեշյանը, դեռ 2019-ին «Ֆրեսկո» փառատոնի կազմակերպիչները դիտել են այն, հավանել:
«Անուշ» ներկայացման մեջ զբաղված են դերասաններ Արման Սաքանյանը, Էդգար Քոչարյանը, Արմինե Վերմիշյանը, Ալլա Դարբինյանը, Հերիքնազ Բաղդասարյանը, Աննա Խաչատրյանը և այլք:
Ֆրեսկո միջազգային փառատոնն իրականացվում է ՀՀ կրթության, գիտության, մշակույթի և սպորտի նախարաության գլխավոր աջակցությամբ և Մայր Աթոռ Սուրբ Էջմիածնի օրհնությամբ և աջակցությամբ:

Facebook
Twitter
Telegram
Print
Email