Կկայանա «Դրախտի դարպասը» ֆիլմի հայաստանյան պրեմիերան

«Նվիրում Արցախին» ծրագրի շրջանակում Երևանի Կինոյի տանը կկայանա, այսօր՝ նոյեմբերի հինգին, ժամը 20:00-ին կկայանա Ջիվան Ավետիսյանի՝ «Դրախտի դարպասը» ֆիլմի հայաստանյան պրեմիերան, որը անհիմն պատճառաբանություններով, հանվել էր Մոսկվայի միջազգային կինոփառատոնի ծրագրից:

Ֆիլմի հերոսը՝ գերմանացի լրագրող Ռոբերտ Ստերնվալը (50 տարեկան), 2016-ին վերադառնում է Արցախ՝ լուսաբանելու քսաներկու տարվա ընդմիջումից հետո վերսկսված պատերազմը։ Լրագրողական հետաքննության արդյունքում ծանոթանում է երիտասարդ օպերային երգչուհի Սոֆիա Մարտիի (35 տարեկան) հետ։ Ռոբերտի և Սոֆիայի հաճախակի հանդիպումներն արթնացնում են փոխադարձ սիրո զգացմունքը, սակայն պարզվում է, որ Սոֆիան անհայտ կորած ֆոտոլրագրող Էդգար Մարտիրոսյանի աղջիկն է, ում 1992-ին՝ Թալիշի անկման օրը, Ռոբերտը թողել է գյուղում՝ գերեվարության մեջ, ապա՝ յուրացրել նրա՝ մարտի դաշտում արված լուսանկարները

Հիշեցնենք, որ «Նվիրում Արցախին» հատուկ ծրագրով «Ոսկե ծիրան» 17-րդ միջազգային կինոփառատոնը միացել է «Հայաստան» համահայկական հիմնադրամի «Մենք ենք, մեր սահմանները» համազգային դրամահավաքին:

Facebook
Twitter
Telegram
Print
Email