«Together for children» առցանց համերգ հայ արվեստագետների մասնակցությամբ

Հուլիսի 4-ին՝ երևանյան ժամանակով 22:00-ին, կմեկնարկի «Together for children» առցանց համերգը, որին կմասնակցեն հայազգի արվեստագետներ ամբողջ աշխարհից:
Միջոցառման հասույթն ուղղվելու է «City of Smile/ Ժպիտների քաղաք» բարեգործական հիմնադրամին, որի հոգաբարձուների խորհրդի նախագահն է ՀՀ վարչապետի տիկին Աննա Հակոբյանը: Առցանց համերգին միանալու պատրաստականություն են հայտնել Ռոզի Արմենը, Սերժ Ավետիքյանը (Ֆրանսիա), Սիբիլը (Թուրքիա), Սեբուն, Հարութ Փամբուկչյանը, Վահե Բերբերյանը (ԱՄՆ), Կուսանը (Արգենտինա), Արա Մալիկյանը (Իսպանիա), Ալվարո Հակոբյանը (Ուրուգվայ), Արա Գևորգյանը (Հայաստան) և այլ մասնակիցներ Սիրիայից, Կանադայից, Միացյալ Թագավորությունից:

Բարեգործական համերգին կարող եք միանալ և դիտել Togetherforchildren յութուբյան ալիքում, Հանրային հեռուստաընկերությամբ կամ ՀՀ վարչապետի տիկին Աննա Հակոբյանի և City of Smile Charitable Foundation/Սիթի օֆ Սմայլ բարեգործական հիմնադրամի ֆեյսբուքյան էջերով։

Facebook
Twitter
Telegram
Print
Email